Ezkerraldeko Gazte Komite Iraultzaileak (https://www.facebook.com/EzkerraldekoGazteKomiteIraultzailea?fref=ts) buruturiko Jardunaldi Antikapitalista irekiak, Sestaoko Txirbilenea Gaztetxean izan eta irailaren 20 eta 21ean (ostirala-larunbata) ospatuko direnak.
Jornadas Anticapitalistas organizadas por Ezkerraldeko Gazte Komite Iraultzailea (https://www.facebook.com/EzkerraldekoGazteKomiteIraultzailea?fref=ts) en Txibilenea Gaztetxea de Sestao, durante los días 20 y 21 (viernes-sábado) de septiembre.
EGITARAUA / PROGRAMA =
+OSTIRALA-VIERNES, IR. 20 SEP.
-17:00 -> Harrera, aurkezpena / Presentación.
-18:00 -> Eztabaida / Debate. "Ezkerraldeko egoera sozio-ekonomikoa" / "Situación socio-económica de Ezkerraldea".
+LARUNBATA-SÁBADO, IR. 21 SEP.
-10:30 -> Dinamiken aurkezpena / Presentación de las dinámicas.
-11:00 -> Eztabaida, taldeetan / Debate en grupos. "Hezkuntza" / "Educación". "Aisialdia" / "Ocio". "Etxebizitza" / "Vivienda".
-14:30 -> Bazkaria (aukera beganoarekin) / Comida (con opción vegana).
-17:00 -> Eztabaida / Debate. "Gazte Komitea eraikitzen: helburuak, antolakuntza eredua, ildoak" / "Construyendo el Gazte Komitea: objetivos, modelo organizativo y puntos a trabajar".
-20:00 -> Musika gaua. Kontzertu akustikoa (Deiedra) eta DJak / Concierto acústico (Deiedra) y DJs.
Interesgarria bezain gogorra den aroan bizi dugu. Egun, “krisi ekonomikoaren” aitzakiapean, elite politiko eta ekonomikoek langile klasea onartezina den muturreko egoerara bultzatu (eta bultzatzen) dute, inolako etorkizunerako perspektibarik gabe, eta, batez ere, euren buruak amildegiaren ertzean ikusten dutelako. Gazteriak, “behekoen” deituriko talde horren parte izanik, kapa herrikoien esplotazio basatian oinarritzen den sistema politiko, ekonomiko, sozial, kultural eta ideologikoaren zapalkuntza pairatzen du nabarmenki. Egoera tamalgarri honen erantzuleak mediatikoki ezagutzen ditugun “patronala”, “kasta politikoa”, “sistema finantzarioen komisarioak”, “estatua”, “polizia” eta abarrak dira. Hitz gutxitan: ustezko “pribilegiatu” gutxi batzuk, hain zuzen ere. Euskal Herrian eta Ezkerraldean, zehazki, etorkizun gabekoon -hau da, gu guztion- kontrako zapalkuntza besterik ezagutzen ez duen sistema kapitalista eta patriarkalaren aurpegi publiko eta adierazkorrenak dira lehen aipatutako “aktoreak”. Eta norabide horretan, pertsonai horiek saltzen diguten “gazte zozo eta lokartuaren prototipoa” gainditu nahi izateagatik kondenatzen gaituzte. Gazte errebeldeok ez gaude ondo ikusita, ez gaude onartuak, “arazoa” baikara.
Garai latza da, bai, baina aldi berean interesgarria, testuinguru gorri ( LOMCE, lan erreforma, murrizketa sozialak, eta abar) eta etorkizun-ezak (eredu ekonomiko espekulatzailea eta hark dakarren prekarietatea) ilunduta. Erregimenaren ohiko kanalek zabaldutako irudi beltza, eta bai etsipenean, bai borrokatu dezake gazteriaren pasibotasuna eta infantilizazioan oinarritutako irudia, alegia. “Garai latzaren” leloa bertan-behera utzi eta gure bide propia eraikitzeko ezinbesteko bitartekoak barneratu behar ditugu: antolakuntza, batasuna eta formakuntzaren beharra, hain zuzen ere. Tamalgarritasuna aukeretan bihurtuz, alternatiba propioak sortuz. Gazteri zapaldua aktibatu, eta aurrera egin. Gure garaia heldu da: euren kontraesanak gure baldintzetan bilakatu ditzagun, euren gainbeheratik gure proiektua eraiki dezagun.
Testuinguru honetan sortu da -eta, noski, sortzen ari da- Ezkerraldeko Gazte Komitea. Hileak eta hileak eraman zituen (eta aurrerantzean eramango dituen) prozesuaren ostean, antolakunde, eragile eta gazte soilez osaturiko asanbladatxo txiki horrek aurrerapausoa eman eta gure ikuspuntu, ideia eta ekinbideak partekatu eta zabaltzeko unea heldu zela pentsatu genuen. Horretarako parte-hartzailetasuna, parekidetasuna eta errespetua bermatuko dituen formatua prestatzeari ekin genion, non kapitalismo patriarkalaren kontrako jarraibidean pentsatzen dugun gazte guztion topagunea izango zena. Norabide horretan, “egoera ezagutu eta gure erantzuna zehazteko” leloak primeran laburbiltzen du irailaren 20 eta 21ean burutuko diren Jardunaldi hauen xedea. Horretarako, guztion parte-hartzea (bai mementoan, bai prestakuntza eta antolakuntza lanetan) ezinbestekoa da; erabat beharrezkoa, alegia. Etor zaitez bakarrik, lagun, adiskide edota kideekin, baina etorri zalantzarik gabe. Zure ekarpena besteona beste balioko du, eta kakaz beteriko gizarte eta sistema honetan ez zaudela bakarrik zure kabuz ikusiko duzu. Antolatuta ala ez egon, politikan interesa eduki ala ez, nahitaez, kapitalismo patriarkalaren itzal luzeak guztioi berdin-berdin estutzen zaituela ohartuko zara.
Jardunaldien helburua gure bizitzari dagozkien hainbat aldeen analisia eta gurengan duten eragina aztertzea da, guztiontzat aberasgarria izango den prozesuaren bitartez, elkarrekin elkar-elikatu eta inolako “lehia ideologikoetan” sartzea. Horretarako, ezinbestekoa dugu elkarrenganako errespetua bermatu eta guztion ekarpenak aintzat hartzea, eztabaida bera bereganatu/gureganatu gabe.
Jardunaldien aztergaiak hauek izango dira (egitarauan zehaztuta datozenak):
1. Sozio-ekonomia eztabaida:
a) Nola eragiten dizu krisi ekonomikoak?
b) Zer dago krisiaren atzetik? (Kapitalismo eta patriarkatua).
d) Zer alternatiba egon daiteke egungo lanbide ereduari? Norbananakoa, ala auzi kolektiboa?
2. Hezkuntza eztabaida:
a) Gaur egungo hezkuntza erreformaren testuingurua. Zer da LOMCE? Zer dakar?
b) Nola eta zer irakasten da gaur egungo hezkuntza-ereduan?
d) Zer ulertzen dugu ikaste-prozesutzat? Eskola eta zentroetatik at kokatzen diren hezkuntza-ereduak ezagutzen al ditugu?
e) Zer balore eduki beharko lukete berebiziko garrantzia hezkuntza?
3. Aisia, kontsumo eta elkarrenganako erlazioen inguruko eztabaida
a) Nolakoa da gura aisialdia?
b) Zer-nolako eragina izan dute lokalek eta koadrilek gure erlazionatzeko moduan?
d) Nolakoak dira gure harremanak jai-esparruetan? Zer-nolako eragina dute genero rolek? Eta droga kontsumoak?
e) Ohiko aisialdiaren eredutik kanpo diren alternatibarik ezagutzen al ditugu?
4. Etxebizitza eztabaida (emantzipazioa, etxebizitza propioa eskuratu ahal izana, jabego pribatua):
a) Zein da gaur egungo etxebizitzaren egoera?
b) Zer-nolako eragina duten gurengan gaur egungo bizimodu, etxebizitza eta hiri ereduak?
d) Alternatibarik ezagutzen al ditugu gaurko etxebizitza ereduaren aurrean?
5. Gazte Komitea eraikitzen: helburuak, antolakuntza eredua, ildoak:
a) Zeintzuk izan beharko lirateke Gazte Komitearen helburuak eta zer funtzio beteko luke?
b) Eta jorratu beharko borroka-esparruak?
d) Konpromiso maila desberdinak beharrezkoak ikusten ditugu? Nola uztartu beharko dira?
Eztabaidaz aparte, irailaren 21ean (larunbata) antolatuko dugun bazkarira eta gauerako prestatuko dugun kontzertu akustiko eta musika gauean geratzeko gonbidapena luzatzen dizuegu.
Bukatzeko, Jardunaldietan interesatuta zaudeten gazte guztiei gogoratu nahi dizuegu gogoz, grinez eta indarrez parte hartzera deituta zaudetela, eta joateaz gain, ezagunen artean deialdia helarazteko ere. Dagoeneko, kapitalismo patriarkalaren kontra egitea ez da hautua, betebeharra baizik.
ERREALISTAK IZAN GAITEZEN, ETA EZINA EGIN DEZAGUN! FORMAKUNTZA ETA BORROKA! DENOK ELKARREKIN GELDIEZINAK GARA!
#EzkerraldekoGazteKomite #JardunaldiAntikapitalistak #JornadasAnticapitalistas #Txirbilenea #Nosestánjodiendo #Zeregingoduzu — con Ehk Euskal Herriko Komunistak y 48 personas más.